Banyarubuga muraho,

Nkuko ubushize nabigize mu nyandiko, kuri article ya Semakweli yari yise "TROIS HOMMES ET UN COUFFIN", niba utarayisomye urebe kuri babillard y'iyi site urayibona, n'indi yise "ITUZE", n'ubu numvise nagira icyo mvuga kuri iyi MIBEREHO YA RUBANDA. Nibyo koko, burya amagambo aryoha asubiwe mo. Inyandiko iyo yabaye public, iyo ariyo yose, nibyiza kugira icyo umuntu ayivuze ho, n'ubwo mbona abenshi mutabikunda, uretse iyo ari amazimwe mbona abenshi aribyo bijukira. Ubishaka kandi yumva yabishobora, ajye atanga son point de vue kubivugwa, bifasha abandika n'abasoma.

Aliko cyane cyane birubaka, ikibi n'ugutukana, naho entre-chocs na intincelles des idées contadictoires ntako zisa. Ahanini nibyo tubura ngo dutere imbere nk'abandi. Idées zashunguwe mo inkumbi, umurama wazo wera imbuto, niyo imvura yabura, zo no kumabuye ziramera. Moi j'y crois en carré !

Mboneye ho kuvuga akantu gato kubisobanuro Nkubito yatanze, kubamubuza gusohara ikinyamakuru ke kuri Ibuka-L. Ndacyayisenga ati Nkubito komeza wiyandikire, ati aho kwica Gitera, nzica ikibimutera. Nanjye ntyo. Bisangwa nawe yaravuze ati ahubwo uwareba uko yamugorora. Bisangwa, igiti kigororwa kikiri gito, iyo kimaze kuma, ukigoroye cyavunika.

Simvuze ko ari Nkubito gusa, urebye Abatutsi benshi ukuntu twakakaye, ntanumwe wagorora ngo areke kuvunika. Ese barakuburiza iki kwandika ko ntawe ugomba guhezwa kumbuga public? Jye umuntu utanga igitekerezo ke, yatanze n'izina rye nyarwo, atihisha inyuma y'ibirunga bya jungle du web, ntampamvu agomba gupfukiranwa, niyo yaba avuga bibi, bigera ubwo bimugaruka, agasa nabyo. Ese hari umunyarwanda waba ugitinya kumva ibibi ? Kuki niba udakunda ibyo Nkubito yandika, utareka kubifungura? Vous ne pouvez pas résister à la tentation ? Bisome cyangwa ubireke ! Nutabifungura ntuzabimenya. Jyewe inyandiko ze, inyinshi ndazanga personnellement, ariko hari n'izimenyesha ibyo ntakamenye autrement. N'ibya Rucagu mbona tubisoma nkanswe ibya Nkubito...! Reka nikomereze ibyanzinduye :

Arthémon Rurangwa

Kandi lero mubindi bihugu bifite ubutaka bukize na petroli butanga za garanti kuri ubwo bukungu kugirango ibiciro bitazahinduka (stabilité). Ese gaz metani ya Kivu irahagije kugirango itange garanti ?Ese u Rwanda rubaye nk’ubu Swissi bugakurura za banki bashora mo amafranga adatanga imisoro kandi agira inyungu (paradis fiscal) byaruha izo garanti ?

Twibuke ko igiciro cya petroli na essensi cyizamuka m’u Rwanda ahanini giterwa na za tagise, na transport, na monopoli mubucuruzi bwa essensi. Ariko bigatuma ibiciro byose byiyongera nkaho iyo essensi igiciro cyayo kizamuka ari imbarutso cyangwa igipimo cy’umuriro utazima w’ubukene.

Ariko lero guhinduraamafranga yose muma dollari (dollarisation) bituma ibihugu bidacura andi mafranga yabo.Kuri urwo ruhande, u Rwanda rwahabwa isaruti kubera ko rutigeze rucura andi mafranga ngo babone uko bahemba abakozi babo, cyangwa bashobore kugura abaturage.

Ibyaribyo byose byaba ngombwa kwiga uburyo umunsi abanyamahanga bazimana imfashanyo yabo ituruka hanze aho u Rwanda ruzavana amadevize. Nicyo gituma gufatana munda hagati yabatuye mugihugu nabari hanze (diaspora) ari ngombwa. Ko aho kubwira abantu ngo nibave iyo bari bose batahe mu rwababyaye, impaka zagirwa ko bitaruta ko buri wese yahubaka ikintu kizana amadevize, kandi u Rwanda rukaba nyabagendwa (circulation des biens et des personnes), kuko ubukungu buzanwa n’ibigenda bigaruka (mouvement) by’urusobe.

IZINDI MBAGA Z’INYABUTATU

Immana yirirwa ahandi igataha i Rwanda, nkuko basogokuru babivuga ga. Kuberako umutekano ari wose, kandi igihugu kikaba nyabagendwa, Turisme ishobora kuzana amadevize menshi. Ariko hari nubundi buryo bwatuma haza devize nyinshi mugihugu,bijyanye nibitekerezo bishya no kurema (créativité) muri gacura bwenge.

Iki gihugu cy’u Rwanda nicyo cyambere muri Afrika cyagize impunzi rugikubita, hafi ya za indepandansi. Lero abana bavukiye mumahanga, bakuranye nabene igihugu cyabakiriye , barareranwa nabo, baba incuti . Abo bana bafite abo biganye ubu bafite imyanya myiza mubutegetsi no munzego zose. Nubuhe bulyo umwana w’umunyarwanda kavukire ufite nasiyonalite y’aba Candada, utuye mumugi runaka(nka Montréal), yafatanya n’umunyekongo biganye i Likasi , basangiye akabi na keza, kubulyo bashinga entreprise iva Canada, ikajya Congo, inyuze m’u Rwanda ? Mbese muyandi magambo ubulyo abana babyirukanye bashinga inganda n’ibindi mubihugu bitatu bituma habaho iteka madevize atembera nk’umugezi w’amazi udakama?

Ibyo nibyo nise inyabutatu y’ubukungu (trépied du développement). Kandi lero ufata ihene ayifata igihebeba. ONG cyangwa assossiassiyo yabyiga igafasha abasore n’inkumi bakora izo za synergies nshya, zitigeze zikorwa mw’isi yose.

Kubera ko ikizakiza u Rwanda kizava mu bitekerezo bishya by’abantu, mu kurema gushya kutigeze kubaho ahandi. Ikindi ubusanzwe ngo " incuti ikurutira umuvandimwe ". Kuki abasore n’inkumi batabigerageza ? Aho gushaka akazi nibashinge imishinga yabo. Leta nayo imaze kumva icyo gitekerezo yabibafasha mo uko ishoboye.

Birashoboka ko ndetse n’abanyarwanda bashimye ubushyitsi muri Camerouni, Burkina Faso,, Tanzaniya, Afrika yepfo n’iya ruguru, Australiya nahandi, bafatanya n’incuti zabo nshya kurema ubucuruzi bwinsobe mubihugu binyuranyije, ariko harimo u Rwanda rubabereye gahuza milyango.

AGATSIKO K’ABUBATSI

Ubundi buryo bwo gukura u Rwanda mubukene ni ugushaka agatsiko k’abubatsi (groupes ou conglomérats d’ entrepreneurs de grande envergure). Baba abanyarwanda cyangwa abanyafrika bakize baturuka Nigeria, Camerouni (Fotso), no mubihugu b’abarabu, n’Aziya.

Mbese birashoboka kureba abakire cumi nababiri (12) babavuka rwanda, kuburyo buri mukire wese afata imwe muri za provinsi z’u Rwanda nka se wa batisimu (parrain) agatoza abasore n’inkumi gushyira ho imishinga yabo ?

Ese birashoboka ko kanaka w’umukire cyane, bamushinga kuzamura provinsi runaka by’umwihariko, mu nzego zose, zaba iz’amashuri, ibitaro,turisme, ariko agashaka nabandibakire aziranye mwisi hose ngo bazamure iyo provensi ive mukene ?Provinsi se zimaze kubona abakire bazitaho batirunze bose i Kigari, kandi bitabujije umutura rwanda kujya kwishakira akazi muri provinsi yose ashaka, ntibyateza ipiganwa ryiza ry’abashora mari mugihugu ?

Ibyo bintu se byateza koko imbere igihugu cyangwa byateza umwiryane n’umururumba wakoreka ahubwo igihugu ? Nubuhe bulyo aba depite n’aba senateri bashya babyiga ngo bizamure za provinsi zabo bahagarariye? Ese ishyari ryabandi bato bakennye ryatuma icyo gitekerezo kibona inzira ? Ntibavuga ngo bariya barariye bareke natwe turye kandi ntabushobozi abo bakene bafite bwo gushora imari badafite ? Ese abategetsi babyemera batabifitemo inyungu kugiti cyabo ?

Nubuhe buryo bundi bwo kuzamurira rimwe za provinsi bidashingiye kwironda kubava mu karere kamwe no kubwoko, bigashingira k’ubushobozi na desantralizassiyo ? Nubuhe bulyo bwo gushaka za rukuruzi zivana abantu mumigi zibashyira mu cyaro aho babona akazi, hashinzwe inganda nshya ? Garanti k’umukene w’umuhinzi n’isuka ye n’umurimawe, k’umworozi n’inka ze cyangwa ihene ze ya gwatisha, k’ubuzima nukongeraho gato inyungu ijyanye nubuhinzi cyangwa ubworozi, cyangwa ubukori kori akora, ugereranije na za kredi z’ubusanzwe.

Ikindi cyashoboka hari inyungu nto (taux d’intérêt bas) nuko nibyerekeye sport byatera imbere kuko byagurwa cyangwa byakorerwa mugihugu, nuko buri wese yakwiga amashuri ashatse kuri kredi nto yishyura buhoro buhoro. Akava m’ubujiji, akiga umwuga ashatse igihe ashakiye.

Icyo gihe lero n’izindi banki zisanzwe mugihugu zagabanya ibiciro by’inyungu n’inguzanyo, kugirango zidahomba cyangwa zidafunga. Murilyo piganwa ry’ibyo zatanga (services) niho imibereho myiza y’abaturage yazamuka n’ubushobozi bwo kugura murugo (pouvoir d’achat des ménages). Kubera ko gushaka za garanti zihanitse abaturage badafite, bituma amafranga abyagira aho, adashobora gukoreshkwa.

INGORABAHIZI

Mbese abanyarwanda bafite amatwara yo kugira initiative, kurema (créativité) cyangwa se bagendera kubandi ? Ese bakora icyateye noneho bose bagahombera hamwe ? Ese amategeko abuza gupiganwa kubi (concurrence déloyale) yakomera ate ?

N’ubuhe bundi buryo abashomeri bagabanuka aho kugirango babe urufaya bashukwa nuko ufite akazi agaburira ingo cumi. Nukuvuga ko nta gushyingura gushoboka( épargne) ahubwo nukuguza bidashira, Ibyo biri mubituma lero nta investisema ibaho.

Ese ko ibiciro by’amakawa n’ibindi byacurujwe hanze biva m’u Rwanda , ngo bishoboke kubona amadevize, bitangirwa hanze , byashoboka bite ngo igihugu kive murizo ngorane ?

Byagira akamaro se gushyiraho ibindi bihingwa bishya abanyarwanda batamenyeye bakabyitabira ?

Ese byashoboka kugira ngo imidugudu ikorwe neza kubulyo abantu bayigana ngo habe amasambu manini ituma ubuhinzi bwiyongera , ndetse n’ubwatsi bwinka bukarushaho kuboneka ? Ni ubuhe bulyo za distikti za piganwa kugira imidugudu myiza zifatanije na bo muri diaspora bahakomoka ?

Birashoboka se imyanya ibonetse yashyirwa mo za park abantu batemberera hafi y’umugi ngo babone umwuka mwiza n’imibereho myiza, no kongera gutera amashyamba nayo azana umwuka mwiza ?

IMYUMBATI NA SOYA

Ese ko abanyarwanda bamenyeye kurya ibishyimbo n’ibijumba, ibirayi n’amashaza, igitoki n’intoryi, bakwemera guhindura bagafata soya ibaha (protéines) imbaraga kurusha ho ?

Soya ifite ubwoko bwinshi burenze makumyabiri n’icyenda. Soya kandi ishobora koza ubutaka no gutuma burushaho kwera. Ibyo bose bijyanye no guhindura umuco w’abanyarwanda. Birashoboka se ? Ariko ubwo benshi bagenze ibihugu byinshi bashobora guhindura uburyo bwabo. Ngo " ugiye iburyasazi azimira bunguri ".

Naho imyumbati nayo ifite byinsi yakungura. Baramutse bayejeje cyane, ishobora kuva mo za amidon zijyanye no gukora ibidodwa(industries textiles), bashobora gukora mo za platre zikoreshkwa mu bitaro, zishobora kuva mo za Kol, zishobora kuva mo za Fer bashyira mubiribwa by’ingurube. Ibyo biribwa byakoreshkwa m’u Rwanda cyangwa bikaba exportations mubihugu byorora cyane izo ngurube. I Buraya nahandi, ngo igihugu cyongere amadevize.

Hari ahantu hasanzwe hadahingwa, hatera ndetse hateye inzara (Gikongoro, Mutara), aho hantu bahazanye amazi nkuko babikora muri za desert cyangwa muri Israel , byashoboka ko haba ibihingwa bisanzuye (cultures industrielles). Bahimirije Soja n’imyumbati byakiza abatuye murako karere, kuko byabazanira ubundi bukire batigeze.

INZIGA Z’URUSOBE

Baca umugani mugifransa ngo " ntawushyira amagi ye yose mugitebo kimwe ". Nicyo gituma muri desantralizasiyo, buri provinsi yafashkwa n’abaturuka henshi , mubyo nita inziga z’urusobe(cercles concentriques).

Ese hari ikizira ko buri provinsi y’u Rwanda yagira byumwihariko mubyerekeye ubutwererane na partnership n’igihugu kimwe mubyateye imbere muri Aziya ? Nyuma yaho se iyo provinsi nanone yashaka indi mishyikirano n’ubutwererane n’imwe muri leta zunze ubumwe y’Amerika ? Yakongeraho se urundi ruziga rw’ubutwererane na kimwe mubihugu by’abarabu cyangwa Amerika latine ? Ngizo inziga zurusobe, n’imfashanyo zurufaya zitikanga ko kimwe mubihugu gifasha haricyo bizatwara kiramutse kivumbuye.

Buri provinsi igiye igira inziga eshatu zidahuje, zazamukira rimwe uko ari 12 , kuburyo zipigana mubukungu, mumibereho myiza aho kwirirwa bivovota ngo runaka araruriye wenyine, cyangwa ho hari utuzu twa runaka na runaka.

Abari hanze y’igihugu nabo(diaspora) bashobora gufashkwa na za konsula z’u Rwanda zaba zarashinzwe mu migi yose ikomeye mubihugu barimo, kugirango bazamure za komini bavuka mo, cyangwa nindi yose bihitiye mo. Lero nuwakwanga ubutegetsi buriho, ntibyamubuza gufasha ishuri, ibitaro cyangwa inganda , imfubyi n’abapfakazi aho ashatse hose. Utabigize nuko atishoboye cyangwa yikunda kugiti cye.

Izo nziga zurusobe zifasha muri za provinsi, distrikti ,na komini zatuma abantu bareka kwirunda i Kigali bakaha umwuka (desengorger kigali) kuberako bazajya gushaka ubukungu n’imibereho myiza muri za komini no mucyaro.

Ariko lero twibuke igicamurundi na rugondihene iri muri za " Accords de Lomé " yahindutse mo " Accords de Cotonou ", nibindi byerekeranye na za accords de commerce biboha ibihugu. Nukureba ubulyo intiti zacu dufite muri za Kaminuza zabyiga ngo izo nziga zurusobe zishoboke, bitagonganye nizo accords.

IMIGI MININI NA ZONE FRANCHE

Imigi minini, Kigali, Butare ,Byumba, Gisenyi, niyindi yose yashobora kugira na yo by’umwihariko ubushyikirane n’ubufatanye (partnership and cooperation) nindi migi yo mwisi ikomeye. Nkuko Roma yabigize na Kigali, ntacyabuza ko Ruhengei na Tokyo, Gikongoro na Chicago, Cyangugu na Pékin , nahandi muyindi migi bagirana imishyikirano by’umwihariko, Kibuye na Venise, Mutara na Toronto, ndetse nakongeraho nindi migi yo hanze ikomeye byikubye incuro eshatu nka za nziga z’urusobe.

Iyo mishyikirano n’ubufashanye bushobora gushingira kuri " atouts " buri mugi w’u Rwanda ufite, nko kuba hafi y’amazi, nko kugira sports, za théatres, za cinéma , n’ibindi byinshi.

Ariko lero mbere yo kujya kure cyane, birashoboka ko imibanire n’iyindi migi y’abaturanyi, nindi y’afrika byakwiyongera. Nukureba ubulyo ibihugu n’imigi duhana imbibi byafashanya, bikuzuzanya. Ni ukureba uburyo ibyiza dufite baza kubifata iwacu kandi natwe tukajya gushaka iwabo icyo baturusha.Abantu ni Magirirane kandi ifuni y’ubucuti n’akarenge. Tukibuka kandi ko " akanyoni katagurutse ntikamenya iyo bweze ".

Naho " zone franche " zubatskwe mumbibi z’imigi mikuru, ndetse gato hirya yiyo migi zaba rukuruzi ngo abantu bajye yo bahe umwuka iyo mugi bo kubyiganira yo. Bitume habaho imibereho myiza.

KILOMETERO NO KUBARA IMISORO

Ubu abantu benshi bikubiye i Kigali no mumigi . Ubucuruzi n’inganda byirunze muriyo migi. Ndetse n’amashuri ya Kaminuza. Ubusanzwe amashuri meza akomeye yubakwa mu Cyaro ahateza imbere. Nubuhe bulyo bundi bwatuma abantu bareka kwirunda mumigi ngo batume ihumeka (desengorgement des villes) ?

Ese abantu bavuze bati uko kilometero zingana kuva i Kigali kugera aho umushinga (entreprise) uzubakwa, imisoro izagabanuka bijyanye nizo kilometero(proportionnellement), ntibyatuma mucyaro hatera imbere ? Nukuvuga ko uko ugenda wigira hirya y’imigi ariko imisoro igabanuka.

Ese byashoboka ko nanone imisoro igabanuka bijyanye nuko abashora mari bazaba bashinze amashuri y’imyuga n’ubukori kori ijyanye nibyo buri Provinsi ikeneye ngo bayiteze imbere ? Ayo mashuri ya sport n’imyuga cyangwa aya turisme, ubuhinzi n’ubworozi, yajyana n’ubukire iyo provinsi isanganwe, na za atouts izindi isanganwe, kugirango bayizamure kurushaho.

Mbese uwakubaka amahoteri meza iruhande rw’ibiyaga dufite Burera na Ruhondo, Muhazi na Kivu kubulyo nanone imisoro igenda igabanuka uko kilometero ziyongera uva i Kigali ,ntibyateza imbere turisme muri utwo turere Immana yahaye ibiyaga byiza ?

Nubuhe buryo kuribyo biyaga haba za " centres de conférences " , haba ihuriro ry’abaturuka mw’isi hose ngo baharuhukire kandi bahigire byinshi mw’ituuze n’umwuka mwiza ? Ese uwahasyira za dancing na Cinema abasore n’inkumi bahagana ? Uwahashyira se restaurants nziza abashora mari bajya kubonanira yo ? Ngibyo muri bimwe intiti zacu zakwiga. Buhoro buhoro nirwo rugendo.

GACACA YO GUSOMA NO KWANDIKA

Ntabwo imibereho myiza yagerwa ho abantu badahagurukiye gusoma no kwandika. Abirabura ,cyane abanyarwanda ntibafite " culture de lire ". Ntibasoma, ntibandika, bumva impuha, ntanubwo banyomoza ngo bisomere.

Nkuko abantu bose bagombye kugira iranga muntu rya sport, bagombye kuzagira buhoro buhoro iranga muntu rya biblioteki ajya gusoma mo. Abakozi ba Leta bagombye kugira amasaha yitegeko yo gukora sport no gusoma. Nukuvuga ko buri muri ministeri haba ho ahobakorera sport naho basomera, habujijwe byeri n’itabi.

No mucyaro, hagombye kubaho Gacaca isuzuma guteza imbere gusoma no kwandika .

Nubuhe buryo Gacaca y’ubucamanza izakurikirwa na za Gacaca z’ubumenyi n’ubukorikori, kugirango isooko y’ubumenyi n’ubuhanga, isooko y’ubushobozi n’uburere bwiza bigere kubaturage bose baza Komini ?

Nubuhe bulyo " local defense " yakorwa naho mu kwiga gusoma no kwandika , kugirango habe indi defense ivana abaturage mubujiji, izamura ubumenyi, kugirango ingirwantiti nka Mugesera Léon na Bagosora Théoneste batazongera kubaroha muruzi kuma radiyo ? Ese bamenye gusoma no kwandika, hari uwakongera kubata murwobo no mumwijima ?

Kubera ko mu cyaro ntabindi bibarangaza, bashobora kwitabira gusoma no kwandika, bakaboneraho gushinga za Sinema, ndetse buhoro buhoro hakigiskwa za Computer. Nguko uko Gacaca y’ubumenyi n’ubukori kori yazamura icyaro, yahafasha kugira imibereho myiza, kwisomera ibiciro no kumenya kubara ndetse no kuzigama, bijyanye na " gestion " cyangwa " management " y’ibyabo bwite.

Ese izo gacaca z’ubumenyi ntizafashkwa na ONG " SomAndika " irwanya analphabétisme,kubulyo nayo yashyigikirwa na UNESCO ? Icyo gitekerezo cyakwigwa n’ababishinzwe, kuko kuva mubukene bijyana kenshi no kuva mubujiji, no kumenya gusoma no kwandika. Ibyo biri mu bizana imibereho myiza.

COEFFICIENT DE GINI

Niba " coefficient de Gini " ari igipimo cyerekana igabagabana ry’ubukungu cyangwa isaranganya ry’amikoro mu gihugu, kubaturage bose, nukwitondera uburyo bamwe bashaka kubikora , cyangwa kugarura, kugirango iryo gabagabana ritazajyana n’imihoro cyangwa imiborogo.

Ikimenyetso cy’ubureshye cyangwa ubutaryamirane mu mikoro y’igihugu kigomba kutitwaza amoko (ethnisme),uturere (régionalisme), cyangwa aho abantu bavuye mbere yo gusubira m’u Rwanda (népotisme et lobbing).

Kugirango jenoside itubere isomo ntizongere kubaho , kugirango amacakubiri atitwaza iryo gabagabana, nukureba uko ubukungu bushya bwaremwa, kugirango ndetse ubukire bwo mu cyaro burute ubwo mumigi.

Ntawutanga icyo adafite kandi ntawugabana ikitariho. Nugushaka kandi ubulyo haba " tribunal du travail ". Ni uguteganya ubulyo uwimbaraga nke arengerwa na za " syndicats " ngo batamwambura ibye kugitugu. Ndetse nukwiga ubulyo haba za gacaca mu kazi ngo bo kwirukanira ubusa, biturutse kuri " harcellement moral " cyangwa " harcellement sexuel ".

TUZA TUBANE NEZA

Imibereho myiza ntishobora kuba ho abantu bataretse gushyamirana no guhohotera abandi.

Mumwaka wa 1985, Prezida Habyarimana amaze guha Peugot nshya Musenyeri Bigirumwami, yaramubajije ati ese nibande bategetsi batatu wambwira bazavugwa mumateka y’u Rwanda ?

Nyiricyubahiro Musenyeri Bigirumwami yamushubije nta shiti, ati : Uwambere ni Rwabugiri kuko yaguye u Rwanda, akarugira rugari cyane, akaruhesha icyubahiro n’ishema, agatuma rudasonza, akaba rero yarubakiye ubuvi n’ubuvivi.

Ati : Uwa kabiri ni Kayibanda, kuko yakuye mu batutsi umuteto no kwiyemera, akabatera kutirara no kwirarira. Yazamuye abahutu atuma beema. Kandi nubwo yabaje ingoma mumarira no mumaraso, yabaje ingoma itigeze ibaho, kandi wenda itazava ho, ariyo Republika.

Ati : Uwa gatatu n’uzagarura abatutsi barashize mo umuteto, akaba garurira intebe n’icyicaro m’u Rwanda,akavana mubahutu ubwicanyi no kutubaha ikiremwa muntu (yarataramenya ko hazaba jenoside mu myaka cumi, nyuma y’indagu ye, yarataramenya n’izina ry’uwo muntu, nkeka ko ari Kagame, kuko ariwe wabigize).

Amaze kubivuga, Prezida Habyarimana yajunguje umutwe ariko ntiyagira icyo amutwara. Ntiyamwatse n’imodoka amaze kumugabira. Musenyeri yakundaga kuvuga ngo : " Nushaka wemere igifafa, ariko ukore neza uko umutima wawe ukubwira ".

Iyo ndagu n’ibisobanuro bya Musenyeri Bigirumwami buri wese ashobora kubireba uko abishatse.

Icyingenzi nuko Musenyeri yerekanye ko gushyamirana no kurata ubwoko, ntaho bizageza u Rwanda . Ko isomo rya mbere ari " Tuza Tubaane ". La TOLERANCE est l’une des conditions pour le bien être social.

Igikomeye si ukuvugisha ukuri gusa (dire la vérité), ikirushije ho gukomera ni kuba ho uko uri (être vrai), no koroherana (tolérance). Kandi nyamara nibyo bitera umunezero n’imibereho myiza. Nguwo umurage wa Musenyeri Bigirumwami, umunyarwanda wese ashobora kuzirikana kugirango atere imbere.

Ntabwo Leta ishobora gutera imbere ngo iteze ighugu imbere idafite opozisiyo nyakuri iyikubita umunyafu, iyivana mo umuteto no kwirara birimo kwirarira. Kubera ko kandi benshi bibagirwa vuba (la mémoire courte).

Ntabwo opozisiyo nayo yagirira akamaro igihugu idafite leta y’ingufu bapigana muri projet de société , ngo ihige kandi yerekane ubushobokere bwabyo(faisabilité),bidashingiye mu kwihorera n’inzigo. Kuko inzigo ihuma ubwenge.

Lero uguhiga ubutwari muratabarana. Kandi ubugabo ntibuvugwa burarebwa. Opozisiyo yubatse amashuri mu cyaro, ishyirishije ho inganda na za dispensaires zivura abaturage byarushaho gupigana kwiza, byazana imibereho myiza kuri rubanda rwa giseseka. None ho igihe cy’amatora hakaba " démokrasi " nyakuri, idashingiye ku moko n’inzigo, ahubwo kubushobozi n’ibikorwa bigaragara.

UMWANZURO

U Rwanda ruzagira imibereho myiza niba abantu bagerageje koroherana(la tolérance), niba abo hanze bafatanije nabari mugihugu (synergie), niba buri wese abona inyungu ye mu nyungu ya bose(le bien commun), niba umuco nyarwanda (la culture) n’umurage mwiza wa basogokuru( les valeurs traditionnelles) bishyizwe imbere no munyigisho z’urubyiruko,n’imyifatire myiza (éthique) mu banditsi, mubaganga no mubategetsi bose.

U Rwanda ruzagira imibereho myiza niba abategetsi badakuweho nta mpamvu igaragara (stabilité et sécurité des hauts fonctionnaires) , kuko aribyo birwanya cyane corruption, kuko " Bahitane ibyo , ni mwene Rurangangbo ". Umukozi uhembwa neza, kandi uzagumaho kuko akora neza ntaziba ntazarya ruskwa. Uwo bigaragaye ho ahanwe.

Guhemba abeza, ntucambe gusa ababi nabyo bizatera impunga n’imibereho myiza. Nukuvuga ko niba buri mezi atatu cyangwa atandatu habaye sondaje yerekana mubinyamakuru, ba ministre bakoze ibitangaza , ba depite bashyizeho itegeko ry’ingirakamaro, ba maires bazanye akataraboneka muri za district zabo, cyangwa senateri wazanye igitekerezo cyingira kamaro, za asosiyasiyo zazanye akarusho, ambassaderi cyangwa konsile wakoze igikorwa cyiza, icyogihe hazaba ipiganwa ryiza.

Imibereho myiza iziyongera kandi n’ubukene bugabanuke niba Leta iteye impunga abakuze n’abashomeri mu kwiga no muw’undi mwuga wabaha akandi kazi, niba abiga ari abakene babona inguzanyo bazishyura barangije ayo mashuri, ndetse bakabisinyira niyo bazakora mumahanga cyangwa n’ahandi hatari mugihugu.

Ubukene buzagabanuka n’imibereho myiza yiyongere niba abanyarwanda bitabiriye kubaka ibindi bishya, bitari gusa gushaka gusaranganya ibike bihari kandi bidakwiye bose. Ba " Balyibihiye " na ba " Bagwahashashe " bakigishkwa gushaka ibindi byabo, kuko " utabuskya abwita ubumera ".

Nukuvuga ko hazagomba nanone kubaho réformes m ‘ubutabera, mu gusora, mubuhuguke, no mubindi byose bijyanye kandi bya kungura imibereho myiza y’abanyarwanda.

Ni ukureba ubukungu bushingiye muri za Komini na za distrikti, n’impungenge zihora ho zo kugenzura ubulyo rubanda rwa giseseka rufite ubushobozi mubuguzi (pouvoir d’achat) mubintu bisanzwe bya ngombwa bijyanye n’ibihahwa, ubuzima n’uburezi bw’abana.

Imibereho myiza izajyana nuko umuntu atagomba gukubita urugendo rwa kure ngo abone ibisanzwe, kuko ashobora kubigurira muri provinsi ye, ko sport n’umuco (culture) bisakaye mu Rwanda hose, ariko kandi ko ubutabera bwiyongera ngo ikiremwa muntu kitarengana.

Sema Kweli

Le 26-10-2003