Havugiwe byinshi, habajijwe n’ibibazo bitari bike, ibyinshi birasuzwa kuburyo tutakekaga. Ubwo umuyobozi wa Communauté ya Toronto, Dhani Rutembesa, amaze kuvuga mot d’ouverture, Max Tereraho niwe wahariwe kutugeza ho briefing y’ibyavugiwe muri iyo nama.

Reka mpere ku matsiko abenshi twari dufite : Aho tumenyeye ko Rudakubana Gratieni azaza Toronto, twibajije byinshi. Mubyukuri, niwe twashaka kubona kurusha n’abandi bajyanye nawe, zimwe mu mpamvu n’izi :

Wenda abari kure mutazi réalités ziyo situation, mwakumva ntacyo bivuze, nyamara bivuze byinshi. Ibyo ntawe uzi imibanire (côté conviction politique) y'abo bantu utibazaga uko bizagenda. Rudakubana rero yaraje, n’abarwanashyaka b’AMAHORO-CONGRESS nabo bari bahari, babajije n'ibibazo bari bafite bahabwa n'ibisubizo.

Muri make rero, bavuze urugendo rwabo ko rwabaye ruhire. Bati bamwe twagiye twifitiye n’ubwoba kuko tutaherukaga iyo nzira, ntabwo twari tuzi ibizatuba ho. Muri iyo minsi twahamaze hari ibyo twakunze, aliko hari n’ibyo twagaye, ndetse nibyo twanze, bati byose turabibabwira.

Ngo mubyo bashimye, hari mo amashuri:

Rudakubana ati ubu mu Rwanda amashuri ni menshi rwose, ushatse kwiga wese ariga, kandi Abanyarwanda benshi twasanze basigaye bafite inyota yo kwiga. Ati nubwo ubwinshi bw’amashuri hari ubwo butuma qualité y’ibyigishwa ibura, ati kubwanjye sicyo kibazo nubwo nziko hari ababyibaza. Iyo umuntu ashonje cyane, arya abyo abonye, agafu kamara kweguka, akabona gutoranya ibifite za vitamines. Ati ibyari byose, Leta y’u Rwanda ikwiye umudende kuri iyo ngingo y’amashuri rwose (Universités cyane cyane).

Ngo mubyo bagaye

Ngo GUTONESHA bamwe biracyari ho mu Rwanda, ngo kandi birakabije. Bati ibyo ahanini bigaragarira no mumishahara, cyane cyane iyo munzego z'ubutegetsi, no muzindi nzego nyinshi z'igihugu. Bagiraga bati ahubwo bigumye uko biri, bizatera ingorane zikomeye, ngo ndetse icyo kibazo no muri iyo nama cyarabajijwe. Ngo ubwo busumbane bw'imishahara burenze ibyo twibwira, batanze urugero ko ushobora kubona umuntu uhembwa za MILIYONI de Frws, igihe ngo hari abadashobora no kuriya rent y'aho batuye kandi ari abakozi, ndetse ngo akenshi usanga barusha n'amashuri abo bari kw'ibere. Mubyukuri, jyewe ibyo byarantunguye, ntabwo nari narigeze menya ko mu Rwanda hatari barème igena imishahara nkuko byari bisanzwe, kandi ifite ibyo ishingira ho muriryo shyirwa ho, nko kuri diplômes nkuko byahoze.

Ikindi ngo babonye kigayitse cyane

Ngo ni Ministère y'Ubucuruzi n'inganda igufunga amazu y’abacuruzi, acururizwa mo atuzuye. Kwakundi bubaka inzu ya étages nk’enye, bakaba bakorera muri ebyiri zo hasi zamaze kuzuzura. Ngo ibyo Leta yabikuye ho. Abacuruza batyo bose ngo barabafungiye, ngo byatangiye banahari. Ibiri amambu, abacuririza right beside, batagira n'imisarane n’amatara, batagira na livres de comptes, donc batanasora, bakabareka bagakomeza bagacuruza mu kajagari.

Ikindi numvise bagaye

Ngo n’abantu bubaka amazu ahambaye cyane, Hollywood villas (niko numvise bazita), ibyo bigakorwa ngo mugihe imihanda yo mugihugu hose yasibye, n'inzara inuma muri za quartiers, abantu benshi bicira isazi mujisho. Ngo bikongerwa ho amajipe menshi kandi ahenze, ngo byerekana ko hari rwose abantu borohewe mu mibereho.

Bosco Sabuhoro yakomeje agira ati nubundi icyo abanyarwanda dupfa, ntabwo ari amazuru manini cg maremare, ntabwo ari imfundiko zikarishye, ati ahubwo ndetse naratangaye ejobundi numvise ko no mubahutu benewacu haba mo abanyiginya. Ati icyo twagiye dupfa, n’ubutegetsi bwagiye bukora nabi, bwikubira, bukiza abantu bamwe na bamwe babari bugufi, nk'abo bubaka za villages à la Hollywoodienne, abandi ugasanga baramazwe n ’ishavu. Ati hagiye habaho gusaranganya uduke disponibles, nubwo bidakunze gushoboka kenshi, aliko nibura minimum ntibure, pendant que abandi bafite ibyo guta. Conclusion ye, kandi yumvikana, yagize ati ibyo nibikomeza, n'ubwo bumwe n'ubwiyunge dushyize imbere ntabwo buzashoboka.

.
-------- Ubwo ibyo n'ibirebana nibyo babonye muri rusange -------
-------------------------------------------------------------------------------------

Ku byerekeranye n’ibyari byabajyanye, (UBUMWE N'UBWIYUNGE), Rudakubana yadusomeye imyanzuro y'iyo nama ikubiye mu ngingo 11. Ndagerageza kubinyuza mubibazo byabajijwe, n’ibisubizo byatanzwe, niyo nzira yapfa kuba ngufi :

Ngo inama y’ubumwe n’ubwiyunge barayishimye cyane. Ngo yari iteguye neza, bagakoreraga mu matsinda improvisés, ibyo bigatuma uganira n’umuntu utanazi uwo ariwe, ibyo muvuga rero bikava mo ukuri. Ati baradusize cyane twe ababa hanze, ino taracyari muri “KIRIYA GIHUTU, KARIYA GATUTSI...”, bo biragaragara ko babirenze kera, cyane cyane mu giturage kuko nta n'ukundi babigenza kuko bagomba kubana no gufatanya kugira ngo babeho. Icyo bose bagihurije ho. Bati ahandi twabonye ubumwe n'ubwiyunge bukomeye, ni mugisoda. Rudakubana ati kubona Générali Kabarebe na Générali Rwarakababije bavuga rumwe, ejobundi bararwanaga, ati jye numva bindenze. Ngo bikwiye kutubera urugero twese.

Sandra niwe wagize ati icyokora hari abantu batari bake numvise bavuga ko batishimiye nagato kubana n’interahamwe zafunguwe kandi zarabamaze ho abantu, ngo cyane cyane ko Leta yafashe imigambi yo kubafungura ITANABANJE KUTUBAZA icyo tubitekereza ho.

Kuri iyo ngingo, bose bayumvikana ho (à ma grande surprise). Rudakubana, Max, Bosco, bose bagize bati gufungura umuntu wishe undi, ukamureka akigendera, agasubira kubana n’abo yiciye, biragoye kubyemera. Bosco we yanavuze ko ku giti ke yemera IGIHANO CYO KWICA iyo wishe undi muntu. Bati aliko icyo tugomba kucyumvikana ho, ntakundi Leta yabigenza, kuko abantu bafunzwe ari benshi cyane, itabigize ityo ntakindi tubona yakora ngo ikemure icyo kibazo kibangamiye igihugu cyose.

Rudakubana ati hari ikosa nabonye Leta ikora mu rwego rwa Gacaca. Ngo isaba interahamwe KWIREGA, BAKEMERA KO BISHE ABANTU KUGIRANGO BABAREKURE cyangwa borohereze ibihano. – Ati rero icyo Leta yibagirwa, nuko ibyo ari UBUTWARI. Kuvuga ko wishe abantu, n’ubutwari bukomeye, intwari ziba nke, none barasaba abantu bose (kuko abishe ari benshi cyane), ko bose baba intwari kandi bidashoboka. Ngo ikindi n'uko ntacyo bateganya bazakorera UMUNTU BAZASANGA AMAZE IMYAKA ICUMI AFUNGIYE UBUSA, BAGASANGA BARAMUBESHYEYE KUKO HARI ABAFUNZWE BATYO !

N.B.: Ababajije ibibazo, abo ntari bwibuke amazina bambabalire, nubwo ibyo babajije mbyibuka. Kubera ko Rudakubana yari yavuze atyo, (ibyo yise ubutwari), Fred Mugabo yaramubajije ati ko mu kinyarwanda hari amagambo menshi yasobanura ibyo washatse kuvuga, wabuze irindi jambo wakoresha aho kuvuga ko abo bantu bagize ubutwari koko?

***
Rudakubana ati wanyumvise nabi, ubutwari navuze s’uko bishe, ubutwari mvuga n’ukubyemera, ubwabyo.

***
Béatrice, ati ko mbere yo kugenda mutatubwiye ngo tubatume, ubu bwo muje kutubwira ibyo ngo bitumarire iki ?Ati ese aho muhagereye, mukahabona ibikorwa nabi nkuko mwabivuze, mécanisme que vous auriez adopté ngo ibyononekaye bikosorwe n’iyi he ? Icyo kibazo ndagifatanya n’icyo uwitwa Népo Murwanashyaka, ndetse n’icya Gallicani kuko bijya gusa :

Nepo yagize iti mwagiye mugamije gusenya ibyo musize hanze, mwari mugamije kubibumbira mukintu kimwe ngo birushe ho gukora neza, mwumva se mwaravuye i Kigali mumariye iki abandi Banyarwanda, na Gallicani ati mwahiswe mo mute mujya kugenda ?

***
Sabuhoro yashubije ko we kugiti cye yumva urwo rugendo rwaragize akamaro kanini, ati aliko ntabwo twazanywe hano no kubibemeza kungufu, nta n’uwabidutumye kubikora. Twatanze ibitekerezo byacu tugeze yo, tubaza ibyo dushaka kubaza, hari ibyashubijwe n’ibitarabonye umuti, kandi ibyo birasanzwe. Kugenda tutababwiye nabyo, nuko ntawe twagiye duhagarariye (nka groupe), buri muntu yagiye yatumiwe personnellement. Mubyemera mutabyemera, n’uko byagenze. Ubumwe n'ubwiyunge rero, ntabwo ari ikintu gikorwa mw'ijoro rimwe, ni process ndende, kandi igomba kuba ho.

***

Mme Joséline ati mwese numvise mwakomeje kuvuga ko mu Rwanda hagaragara ikintu cyo GUTONESHA. Ati ntabwo mwabeshye, baratonesha kugeza n’ubwo batonesha n'abicanyi, aho kubahana bakabagororera. Ati mwese matubwiye ko hari sécurité, ati nyamara nanone mwese mwavuze ko hari za barrières nyinshi mu gihugu. None se niba hari sécurité mutatubeshya, barrières zabangikana na sécurité zite ? Niba hari postes de contrôle nyinshi nkuko mubyivugira, n’ukuvuga ko nta mahoro ahari.

***
Bamushubije ko izo postes de contrôle ari ngombwa, kuko nubwo sécurité iriho, nayo igamba kuba sécurisée. Bati nta munyarwanda numwe ibangamira, aliko ntabwo bagomba no kwirara. John Rukumbura nawe yari yabajije niba barabonye mu Rwanda hari security, ubwo ibyo bashubije Joseline ndibwira ko nawe yabibonye mo igisubizo kukibazo ke.

***
Hari umudamu nibagiwe izina (ambabalire), yabajije ikibazo kijyanye n’ubukungu bw’igihugu. Rutembesa Dhani wari uyoboye nama ati nyabuneka dore dufite umwanya muto, reka twibande kukibazo by’ubumwe n’ubwiyunge cyonyine ibindi tubireke. Uwo mudame ati ntabwo nabireka kuko ntabwiyunge jye mbona bushoboka igihe hari abicwa n’inzara, hari n'abafite ibyo basesa, kuko niba icyo kibazo kitabonewe umuti vuba, nibindi mukora nimushaka muzabireke kuko bitazakunda.

Ubwo abari kuri panel bose bati uwo mudamu ibyo avuga bifite ishingiro, (dore ko barimo n'abahanga bunva ibyo bibazo by’ubukungu nka Sabuhoro). Bati natwe turi i Rwanda ibyo twarabivuze, ntabwo tuzi uko kizakemurwa kuko birihutirwa kandi kizakomeza kubangamira ubwo bumwe n’ubwiyunge nkuko uwo mubyeyi abivuga.

***
Jeanne Byaje, yagize ati ndabashimye cyane kubera ayo makuru yose mutugejeje ho, kandi atanga ikizere kuri twese Abanyarwanda. Ati ariko ndashaka kumenya niba aya magambo meza murimo kutubwira, iyo mwiherereye muganira na bene wanyu (Abahutu), ni nk’uko muyababwira ? Niba se ariko muyababwira, babyakira bate, ko abenshi nzi ntacyo bemera ko cyaba kizima cyakozwe na Leta y’u Rwanda iriho ubu ? Bamushubije ko bo kugiti cyabo imvugo yabo ari imwe aho bari hose. Ati twe tuvuga ibintu uko tubyumva, kuko ibyo twumva ari nabyo twemera. Nta mugozi rero tubohesha abadashaka kumva ukuri tugira.

Nanjye nagize icyo mbaza. Nagize commentaires ebyiri kubyari byavuzwe, hanyuma mbaza n’ikibazo, nkibaza Rudakubana : Nagize nti abenshi tuzi ba Rudakubana babiri. Hari Rudakubana (un homme public) na Rudakubana (comme individu), none uwo nshaka kubaza ni Rudakubana public, don't take it personal.

Ko tuzi Rudakubana kuri panels zitandutakanye kuva aho intambara itangiriye, Rudakubana w’ubu aherereye mu kahe gace ? Kera tukuzi wamagana Abahutu bakorana n’Inkotanyi, aho ARENA ivukiye uyijya mo, ukomeza kwamagana ibikorwa na Leta ya Président Kagame, Arena ihindutse AMAHORO-CONGRESS uhindukana nayo kandi uri muri membre de l’Éxecutif w’iryo shyaka, ntabwo wasibaga kwamagana ibikorwa na Leta y'u Rwanda.

UBU watubwira aho uhagaze ?

Ese waba ukiri mu Mahoro-Congress, Ese warabaye Inkotanyi, cyangwa se byose wabivuye mo, ubu wibereye Dr Rudakubana gusa ? Nti ibyo mbikubajije kugirango utumare amatsiko, uce n'amazimwe, kuko twumvise ko wagiye i Rwanda havuzwe byinshi, birimo ko waba warafashe carte de membre ya RPF.